Զելենսկին հանձնարարել է ուկրաինացիներին` պատրաստվել պարտիզանական պատերազմի

«Ստրանա»-ի լրագրողները եկել են այն եզրակացության, որ Ուկրաինայի նախագահը կոչ է արել բնակիչներին` պատրաստվել պարտիզանական պատերազմի: Ըստ լրատվամիջոցի՝ դա բխում է ռազմական անվտանգության նոր ռազմավարությունից: Փաստաթուղթն ուղղված է երկրի տարածքում համընդհանուր ռազմականացմանն ու պատերազմին:

Լրագրողները հաշվարկել են, որ նոր ռազմավարության մեջ «դիմադրության շարժում» բառերը կրկնվում են 10 անգամ և «տարածքային պաշտպանություն» բառերը` 34 անգամ:

Վլադիմիր Զելենսկին հինգշաբթի հաստատել է նոր ռազմավարությունը: Այն պարունակում է ՆԱՏՕ-ին անդամակցելու և տարածքի ապաօկուպացման ծրագրեր: Ռուսաստանի Դաշնությունը փաստաթղթում անվանվում է «ռազմական հակառակորդ»: Նշվում է նաև, որ Մոսկվան վտանգ է ներկայացնում Ուկրաինայի պետական ինքնիշխանության համար: