Կրակոցներ չեն հնչում միայն դրախտում. Սերժ Սարգսյան

Այսօր Մալաթիա-Սեբաստիա համայնքի բնակիչների հետ հանդիպման ժամանակ գործող նախագահ, նախագահի ՀՀԿ-ական թեկնածու Սերժ Սարգսյանից մի կին կարճ եւ կոնկրետ հետաքրքրվեց, թե ե՞րբ են Երեւանում դադարելու կրակոցներ հնչել:

Հարցին նախագահը հարցով պատասխանեց. «Կարո՞ղ եք ցույց տալ մի երկիր, որտեղ հանցագործներ չկան, կրակոցներ չեն հնչում, դա միայն դրախտն է»:

Նախագահը նշեց նաեւ, որ իր ասածը դեռ չի նշանակում, որ չպետք է ուժեղացնեն պայքարը հանցագործության եւ այն մարդկանց դեմ, ովքեր զենք են կիրառում:

Նախագահը նշեց, որ ամեն շաբաթ տեղեկանում ենք, թե ինչ կրակոցներ են հնչում ԱՄՆ-ում, ՌԴ-ում եւ եվրոպական տարբեր երկրներում: Սերժ Սարգսյանը նշեց, որ նաեւ մենք ունենք բոլոր հնարավորությունները` Երեւանում կրակոցները նվազագույնիհասցնելու, մանավանդ` մայրաքաղաքը համարվում է անվտանգ եւ բարեհամբույր քաղաք: