Վրացական ռազմական մեքենաները հետաքրքրել են ադրբեջանցիներին

Վրացական «Լազիկա» եւ «Դիդիգորի» ռազմական մեքենաները հետաքրքրել են կորեացիներին եւ ադրբեջանցիներին. հայտարարել է Վրաստանի խորհրդարանի պասշտպանության եւ անվտանգության հանձնաժողովի նախագահ Իրակլի Սեսիաշվիլին. տեղեկացնում է salamnews-ը` վկայակոչելով վրացական ԶԼՄ-ներ:

«Տվյալ փուլում ինտենսիվ աշխատանքներ են տարվում տարատեսակ պատվերների ուղղությամբ, եւ դա շատ կարեւոր հարց է: Անհրաժեշտ է նշել, որ մինչ օրս պետությունն այդ ուղղությամբ ընդհանրապես չի աշխատել եւ սահմանափակվել է միայն ներքին շուկայով: Այս պահին հետաքրքրություն են հայտնել Հարավային Կորեան, Ադրբեջանը եւ մի քանի այլ երկրներ: Մեր կողմից գլխավորն է, որ պատվերի կատարման ընթացքում բոլոր մանրամասները ճիշտ հաշվարկվեն»,- ասել է նա:

Վրաստանի պաշտպանության նախարարությունը ծրագրում է արդիականացնել ռազմական տեխնիկայի արտադրության «Դելտա» ձեռնարկությունը: