Մեկ դելֆինը օգնել է 150 դելֆին փրկել

Ավստրալացի բնապահպաններին հաջողվել է մեկ դելֆինի օգնությամբ 150 դելֆին փրկել. հայտնում է Дни.ру-ն:

Արևմտյան Ավստրալիայի բնապահպանության բաժնի ներկայացուցիչները հայտնաբերել են, որ բազմաթիվ դելֆիններ հայտնվել են ափամերձ ծանծաղ ջրերում և չեն կարողացել ինքնուրույն բաց ծով դուրս գալ: Փրկարարները որոշել են հնարամիտ քայլի դիմել: «Մենք վերցրեցինք դելֆիններից մեկի ձագին և նավակով տեղափոխեցինք ավելի հարմար ջրային միջավայր: Դելֆիններն անմիջապես որսացին ձայնային ազդանշանները և հետևեցին մեզ` գտնելով ծանծաղ ջրից դուրս գալու ուղղությունը»,- պատմում է բնապահպանության բաժնի ներկայացուցիչը:

Կատարվածի արդյունքում սատկել է միայն մեկ դելֆին: