Բողոքի ակցիա` ընդդեմ ''Կարֆուր''-ի. ''Ժողովուրդ''

«Ժողովուրդ» օրաթերթին դիմած տասնյակ մանր ու միջին գործարարներ օրերս պատրաստվում են բողոքի ակցիա կազմակերպել, եթե իրենց բարձրացրած հարցը չկարգավորվի: Նրանց վրդովմունքի առիթը ֆրանսիական «Կարֆուր» հիպերմարկետների ցանցն է, որը մտադիր է Երևանում` «Դալմա գարդեն մոլ»-ում, մասնաճյուղ բացել:

Տեղական արտադրողները և մի քանի ներկրող ընկերություններ մտավախություն ունեն, որ «Կարֆուր»-ը, ՀՀ-ում բացվելով շուկան կլանելու է, քանի որ «ատամի չոփիկից սկսած մինչև սնունդ ներկրելու է», և այստեղ արտադրված կամ ներկրված ապրանքները չեն վաճառվի:

«Առանց այդ էլ ժամանակին, երբ մեծ սուպերմարկետները սկսեցին բացվել, կլանեցին շուկան, ու Երևանում բազմաթիվ մանր խանութներ կամաց-կամաց փակվեցին: Հիմա պատկերացրեք, թե ինչ կլինի, եթե այդ հիպերմարկետը բացվի»,-«Ժողովուրդ»-ին ասել է գործարարներից մեկը` առայժմ խնդրելով իր անունը չհրապարակել: Իսկ մյուսն էլ հռետորական հարց է տվել, ինչո՞ւ «Կարֆուր»-ը հիպերմարկետ չի բացում, օրինակ, Գյումրիում կամ Լեռնային Ղարաբաղում: