Եգիպտոսում 7 ղպտի քրիստոնյաների հեռակա դատապարտել են մահապատժի

Կահիրեի քրեական դատարանը հաստատել է յոթ ղպտի քրիստոնյաների` ավելի վաղ կայացված մահվան դատավճիռը, որոնք մեղադրվում են հակաիսլամական աղմկահարույց «Մահմեդականների անմեղությունը» ֆիլմին մասնակցություն ունենալու մեջ: Ութերորդ մեղադրյալը` ամերիկացի քահանա Թերի Ջոնսը, դատապարտվել է 5 տարվա բանտարկության. տեղեկացնում է РИА Новости-ն:

Վերջնական վճիռը կայացվել է Եգիպտոսի գերագույն մուֆթիի համաձայնությունը ստանալուց հետո, ով, ըստ երկրի օրենսդրության, պետք է հաստատի մահապատիժ սահմանող բոլոր դատավճիռները: Մահապատիժն ի կատար է ածվելու կախաղանի միջոցով: Իհարե, դատավճիռը կատարվելու է հեռակա կարգով, քանի որ բոլոր մեղադրյալները ներկայումս ԱՄՆ-ում են: Եգիպտոսի գլխավոր դատախազությունը դիմել է Ինտերպոլին եւ ԱՄՆ իշխանություններին` պահանջելով արտահանձնել նրանց: