Տիբեթ մուտքն արգելվում է

Չինաստանի կառավարությունը արտասահմանցի զբոսաշրջիկների համար ժամանակավորապես  փակել է Տիբեթի մուտքը:

Ինչպես հաղորդում է Gazeta.ru-ն, պատճառն այն է, որ  նշվելու է Կոմունիստական կուսակցության հիմնադրման 90-ամյակն ու Չինաստանի կողմից Տիբեթի անեքսիայի 60-ամյակը: Պեկինը կանխատեսում է, որ տոնական արարողության ժամանակ տեղացի անջատողականների կողմից հակաչինական ելույթներ եւ ակցիաներ կլինեն:

Տիբեթի մուտքն արգելվելու է ոչ միայն զբոսաշրջիկների, այլեւ բոլոր արտասահմանցիների համար, այդ թվում` Տիբեթի վերաբերյալ հետազոտություններ անող գիտնականների:

Ոչ պաշտոնական տվյալներով` այս արգելքը ուժի մեջ է լինելու մինչեւ հուլիսի վերջը: