Մադրիդի "Ռեալ"-ը ոչ-ոքի խաղաց "Օսասունա"-ի հետ

 Իսպանիայի Լա լիգայի 19-րդ տուրի շրջանակներում «Օսասունա»-ն հյուրընկալել էր Մադրի «Ռեալ»-ին:

«Սերուցքայինների» կազմում բացակայում էին միանգամից չորս  ֆուտբոլիստներ՝ Քրիշտիանու Ռոալդուն և Սերխիո Ռամոսը որակազրկված են, իսկ Պեպեն և Մարսելոն վատառողջ են: 

Ամբողջ խաղի ընթացքում առավելությունը «Օսասունա»-ի կողմն էր, սակայն գրավել մադրիդցիների դարպասը նրանց այդպես էլ չհաջողվեց:

Բացի այդ՝ վերջին 15 րոպեն տան տերերը թվային առավելություն ունեին՝ խաղադաշտից հեռացվել էր  Ռիկարդո Կական, ով հասցրել էր երկու անիմաստ դեղին քարտ ստանալ:

Այնուամենայնիվ ֆուտբոլասերները գոլի ականատես եղան: 

Կալյեխոնի հաջողվեց գնդակն ուղարկել «Օսասունայի» դարպասը,սակայն եզրային մրցավարը բարձրացրեց դրոշակը և ցուցատախտակին հաշիվը մնաց նույնը ՝ 0:0:

Այսպիսով՝ 19-րդ տուրից հետո Մադրիդի «Ռեալ»-ը իր ակտիվում ունենալով 37 միավոր՝ մնում է երրորդ հորիզոնականում: