2 մեքենա բախվել են իրար. 5 տուժած

Հունվարի 7-ի ուշ երեկոյան խոշոր ավտոպատահար է տեղի ունեցել Արմավիրի մարզում:

ԱԻՆ-ից հայտնում են, որ դեռևս չբացահայտված հանգամանքներում Էջմիածին-Արմավիր ավտոճանապարհի 7-րդ կմ-ում բախվել են «Վազ-2107» և «Վոլվո» մակնիշի ավտոմեքենաները:

Մինչև հրշեջ-փրկարարների` կանչի վայր հասնելը, «Վոլվոյի» վարորդը` 1990 թ. ծնված Վաչե Գուլաբյանը, «Վազ-2107»-ի վարորդ` 1979 թ. ծնված Անդրանիկ Ավետիսյանը, ուղեվորներ` 1964 թ. ծնված Ռուզաննա Մարգարյանը, 1999 թ. ծնված Գագիկ Մարգարյանը, 1984 թ. ծնված Սամվել Ոսկանյանը տեղափոխվել են Մեծամոր քաղաքի բժշկական կենտրոն:

Ըստ բժիշկների` Ռ. Մարգարյանի առողջական վիճակը ծանր է, մյուսներինը` միջին ծանրության: