Փակ են Ջաջուռի լեռնանցքը և Քուչակ-Ապարան ճանապարհահատվածը

Հայաստանի Հանրապետության տրանսպորտի եւ կապի նախարարությունը տեղեկացնում է, որ դեկտեմբերի 24-ի դրությամբ սաստիկ բքի եւ տեսանելիության բացակայության պատճառով երկկողմանի՝ Ախուրյանի եւ Սպիտակի կողմից, փակ է Ջաջուռի լեռնանցքը, դժվարանցանելի է Գյումրի-Կապս ճանապարհահատվածը:

Ուժեղ բքի եւ զրոյական տեսանելիության պատճառով ծանրաքաշ մեքենաների համար անանցանելի է Քուչակ-Ապարան ճանապարհատվածը: 

ՀՀ տրանսպորտի և կապի նախարարությունն առաջարկում է Երեւանից Բագրատաշեն եւ Բագրատաշենից Երեւան երթևեկել հետևյալ երթուղիներով. Նոյեմբերյան-Իջեւան կամ՝ Բագրատաշեն-Ալավերդի-Վանաձոր-Դիլիջան-Երեւան։ 
Սաստիկ բքի եւ վատ տեսանելիության պատճառով Մարտունու եւ Եղեգնաձորի կողմից  Սելիմի լեռնանցքը, իսկ Ախուրյանի եւ Սպիտակի կողմից՝ Ջաջուռի լեռնանցքը փակ են: Դժվարանցանելի է Գյումրի-Կապս ճանապարհահատվածը:
Հանրապետության որոշ շրջաններում՝ Կոտայքում, Հրազդանում, Նոյեմբերյանում, Ստեփանավանում, Ալավերդիում, Աշոցքում, Ամասիայում, Տաշիրում, Սպիտակում, Գյումրիում, Վանաձորում, Ապարանում, Աշտարակում, Սեւանում, Վայքում, Ջերմուկում   տեղում է ձյուն: 

Անվտանգ  երթեւեկությունն ապահովելու նպատակով ավտոճանապարհներին  իրականացվում են մաքրման, աղով ու ավազով մշակման աշխատանքներ: