Նաոմի Քեմպբելը դատական գործընթաց է սկսել բրիտանական The Daily Telegraph-ի դեմ

Հանրահռչակ մոդել Նաոմի Քեմպբելը դատական գործընթաց է սկսել բրիտանական The Daily Telegraph-ի դեմ, որը գրել էր, թե մոդելը պատրաստվում է Հնդկաստանում փղերով պոլոյի մրցույթ անցկացնել:

Կենդանիների պաշտպան դարձած Քեմպբելը հերքել է թերթի գրածը, ինչից հետո համապատասխան հոդվածը հանվել է թերթի կայքից. տեղեկացնում է Fashiontime-ը:

Հոդվածում գրված է եղել, թե իր սիրեցյալի` ռուս միլիարդատեր Վլադիսլավ Դորոնինի համար կազմակերպած խնջույքի ընթացքում հյուրերը մեկնելու էին Հնդկաստան եւ զբաղվելու էին տարօրինակ սպորտաձեւով: Հոդվածի թեման բողոքի ալիք էր բարձրացրել կենդանիների պաշտպանների շրջանում, անգամ ակցիաներ էին եղել երեկույթի անցկացման վայրի մոտակայքում: