Հայկական եկեղեցիները՝ աշխարհի ամենագեղեցիկ եկեղեցիների ցուցակում` ըստ Daily Telegraph-ի

Բրիտանական Daily Telegraph թերթը հրապարակել է աշխարհի 23 ամենագեղեցիկ եկեղեցիների ցուցակը, որում տեղ են գտել նաև հայկական եկեղեցիներ։

Ըստ Asbarez-i՝  հայկական ամենագեղեցիկ եկեղեցիների թվում են Իրանի Բեթղեհեմի հայկական եկեղեցին, որը կառուցվել է 17-րդ դարում և գտնվում է Սպահանում: Այն ունի  հրաշագեղ 72 որմանկարներ,  աչքի է ընկնում հատկապես գմբեթը` իր գեղեցկությամբ ու ճարտարապետական յուրահատում լուծումներով։ Նշվում է, որ այս եկեղեցին պատկանում է տեղի 7000 հայերին, որոնք ստիպված են կատարել իսլամական տարազի օրենքը, սակայն իրավունք ունեն պահպանելու նաև իրենց ինքնությունը, մշակույթը, լեզուն և 16 եկեղեցիները:

Ցուցակում են նաև Իրանի Ս. Ստեփանոս հայոց եկեղեցին։ Մեկուսի եկեղեցին գտնվում է կանաչ ու ծաղկուն հովտում՝ Իրանի հյուսիս-արևմուտքում։ «Այս եկեղեցին իր գոյությամբ  հերքում է այն պնդումը, թե Իրանն անապատների եւ մզկիթների երկիր է։ Այն ունի նաև գեղեցիկ որմանկարներ եւ կամարներ։ Ըստ հավատալիքների՝ Ս. Ստեփանոս եկեղեցում են պահվում Ս. Գրիգոր Լուսավորչի մասունքները»,- գրել է թերթը:

Ցուցակում ներառվել է նաև Բեթղեհեմի Ս. Ծննդյան տաճարը։ Եկեղեցին ունի հայկական խորան: ՅՈՒՆԵՍԿՕ-ի Մշակութային ժառանգության ցուցակում ներառված կոթողը համատեղության կարգով պատկանում է  Երուսաղեմի Ուղղափառ, Հայաստանյայց Առաքելական եւ Հռոմի Կաթոլիկ եկեղեցիներին։ Հայաստանյայց եկեղեցուն է պատկանում կառույցի հարավարևմտյան հատվածը:

 Լուսանկարում՝ Ս. Ստեփանոս հայկական եկեղեցին