Այս պահին Երևանում sett-weather
Փոխարժեքներ 01 10 2024
USD ⚊ $ 387.29
EUR ⚊ € 433.34
RUB ⚊ ₽ 4.17
GBP ⚊ £ 519.2
GEL ⚊ ₾ 141.99
կարևոր
0 դիտում, 11 տարի առաջ - 2012-12-14 11:10
Իրավական

Ոստիկանության 2 աշխատակիցներ կաշառք են վերցրել

Ոստիկանության 2 աշխատակիցներ կաշառք են վերցրել
Ոստիկանությունում ինքնամաքրման գործընթացը շարունակվում է: Օրենքն ու օրինապահությունը ոտնահարողը, ոստիկանի արժանապատվությունն ու համազգեստի պատիվն արատավորողը համակարգում տեղ չունի. սա է ոստիկանության ղեկավարության որդեգրած քաղաքականության հիմնարար սկզբունքը. գրված է ոստիկանության պաշտոնական կայքում:

Արտաշատ քաղաքի մի բնակիչ դեկտեմբերի 12-ին ոստիկանության ներքին անվտանգության  վարչությունում հայտարարություն է տվել, որ ինքը նույն օրը, թմրանյութ օգտագործելու կասկածանքով, ատամնաբուժարանից բերման է ենթարկվել ոստիկանության Երևան քաղաքի վարչության քրեական հետախուզության բաժնի 3-րդ բաժանմունք, ապա տեղափոխվել նարկոլոգիական կենտրոն:
Թմրանյութ օգտագործած լինելու հանգամանքը փորձաքննությամբ ի հայտ չբերելու և նրան քրեական պատասխանատվության չենթարկելու համար ոստիկանության ծառայողները նրանից պահանջել են 3000 դոլար, ինչին ինքը չի համաձայնել: 
Քիչ անց ոստիկանության Երևան քաղաքի վարչություն է եկել նույն ատամնաբուժարանի բժիշկ Գևորգ Մարտիրոսյանը և ոստիկաններից մեկի հետ առանձնազրույցից հետո քաղաքացուն ասել, որ 2000 դոլար վճարելու դեպքում բոլոր հարցերը կարող են կարգավորվել: Ըստ պայմանավորվածության՝ 300 հազար դրամը պիտի տրվեր նույն օրը, իսկ մնացած գումարը՝ դեկտեմբերի 13-ին:
Ձեռնարկված միջոցառումների շնորհիվ, քաղաքացուց կաշառք ստանալու կասկածանքով, ոստիկանության ներքին անվտանգության վարչություն բերման են ենթարկվել բաժանմունքի պետ Վաղինակ Վարդանյանը և օպերլիազոր Գևորգ Գևորգյանը: Բերման է ենթարկվել նաև ատամնաբուժարանի բժիշկ Գևորգ Մարտիրոսյանը, իսկ ավագ օպերլիազոր Էդուարդ Զաքարյանը կանչով ներկայացել է ոստիկանություն:
Նախապատրաստված նյութերն ուղարկվել են ՀՔԾ:
բաժանորդագրվել
Նմանատիպ նյութեր
Կայքի հին տարբերակը

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը