Ֆրանսիայի ոստիկանությունն այսուհետ հայտեր կընդունի նաև Facebook-ով

Այսուհետ յուրաքանչյուր քաղաքացի կարող է օրինախախտության մասին հայտարարություն ներկայացնել ոստիկանություն՝ օգտվելով Facebook-ում գրանցված ոստիկանության պաշտոնական կայքից: Այդ մասին այսօր հայտնել են  Ֆրանսիայի ազգային ոստիկանության գլխավոր վարչությունից. գրում է Росбалт-ը:

«Այդ ծառայության միջոցով դուք կարող եք հայտարարել ձեր ունեցվածքի նկատմամբ կատարված ոտնձգությունների մասին՝ թալան, վնաս, այսինքն` այն դեպքում, երբ ձեզ հայտնի չէ հանցագործությունը կատարած անձը: Սա արվում է պարտադիր ընթացակարգերն արագացնելու նպատակով»,- ասված է ծառայության հայտարարության մեջ:

Մյուս բոլոր դեպքերում քաղաքացին անձամբ պետք է ներկայանա ոստիկանական բաժանմունք` դիմում գրելու: