Փոխարժեքներ
05 10 2024
|
||
---|---|---|
USD | ⚊ | $ 386.99 |
EUR | ⚊ | € 426.85 |
RUB | ⚊ | ₽ 4.07 |
GBP | ⚊ | £ 509.55 |
GEL | ⚊ | ₾ 141.53 |
Օրերս ՀՀ ոստիկանապետ Վլադիմիր Գասպարյանի հրամանով զբաղեցրած պաշտոնից ազատվեց ՀՀ ոստիկանության կազմակերպված հանցավորության դեմ պայքարի գլխավոր վարչության պետի տեղակալ Սիսակ Ավետիսյանը:
Սիսակ Ավետիսյանը, որին համակարգում ճանաչում են Սուրիկ անունով, այդ պաշտոնում հասցրել է աշխատել ընդամենը 25 օր: «ՉԻ» տեղեկատվություններով՝ այդ տեղում հայտնվելու համար նա կարգին «մաղարիչ» է արել վերեւներում, հետո, երբ նշանակվել է՝ միանգամից սկսել է տնավորվել: Նախ` միանգամից սկսել է վերանորոգել աշխատասենյակը, սեփական օգտագործման սանհանգույց սարքել, թանկարժեք կահույք գնել եւ այլն: Մեր տեղեկություններով՝ նա մոտ 8 հազար ԱՄՆ դոլար է ծախսել միայն այդ աշխատասենյակի կոսմետիկ վերանորոգման վրա, սենյակ, որտեղ նա բախտ ունեցավ գտնվելու ընդամենը 25 օր:
Ի դեպ, Սիսակ Ավետիսյանը՝ Սուրիկը, բավականին տեւական ժամանակ է, ինչ համակարգում է: Նա պատկանում է այն ոստիկանների շարքին, որոնք սեփական օբյեկտ ունեն: Մասնավորապես՝ նա մասնաբաժին ունի Ազատության հրապարակում գտնվող «Ատլանտիկ» սրճարանից:
Հիշեցնենք, որ «Ատլանտիկը» ժամանակին պատկանել է ԱԱԾ նախկին պետ Կառլոս Պետրոսյանին, որը պաշտոնանկություններից որոշ ժամանակ անց վաճառեց իր մասնաբաժինը: