Զրկել ու զրկվել կյանքից

Նորվեգացի ահաբեկիչ Անդերս Բերինգ Բրեյվիկն իր փաստաբանին հայտնել է, որ եթե որեւէ մեկը փորձեր իրեն կանգնեցնել հուլիսի 22-ին Օսլոյի կառավարական համալիրում կամ Ուտոյա կղզում ահաբեկչություններ իրականացնելիս, կզրկվեր կյանքից, նաեւ ինքն է պատրաստ եղել մեռնել: Այդ մասին փաստաբան Հայր Լիպեստադը պատմել է նորվեգական Dagsavisen թերթին. տեղեկացնում է mignews.com-ը:

Հարցաքննությունների ժամանակ դեռեւս չի պարզվել, թե պատրաստ է եղել Բրեյվիկը ահաբեկչություններից հետո հանձնվել ոստիկանությանը, սակայն փաստաբանի հետ զրույցից արդեն պարզ է դառնում, որ` ոչ:

«Նրա նպատակը առավելագույն քաոս ստեղծելն է եղել, առավելագույն թվով մարդկանց կյանք խլելը, որպեսզի մեծացնի նորվեգացիների հետաքրքրությունն իր մանիֆեստի նկատմամբ»,- ասել է փաստաբանը: