Ենթատեքստ չի տեսնում

ՀՀԿ տնտեսական համաժողովում լրագրողների հետ հարցուպատասխանի ժամանակ վարչապետ Տիգրան Սարգսյանը, մեկնաբանելով այն լուրերը, թե իբր Երեւանի քաղաքապետ Կարեն Կարապետյանը դավաճանել է իր թիմին, ասել է. «Կարծում եմ` ընդհանրապես ճիշտ չէ, որպեսզի վարչապետն ինչ-որ լուրեր մեկնաբանի: Ես առաջնորդվում եմ այն բացատրություններով, որոնք հրապարակավ տվել է Կարեն Կարապետյանը: Նրա հետ հանդիպում եմ ունեցել, որտեղ նա մանրակրկիտ ներկայացրել է հրաժարականի իր փաստարկները, որոնք ամբողջությամբ համապատասխանում են իր հրապարակային հայտարարությանը: Որևէ այլ ենթատեքստ ես չեմ տեսնում և այլ մեկնաբանությունների հետ համամիտ չեմ»:

Հարցին, թե որպես ՀՀԿ գործադիր մարմնի անդամ, ո՞ւմ թեկնածությունն է տեսնում Երեւանի քաղաքապետի պաշտոնում, վարչապետը պատասխանել է, որ այդ հարցի վերաբերյալ հանրապետության նախագահն իր խոսքը կասի: