Բոլորի շուրթերին մի անուն է` Տարոն Մարգարյան

Հայաստանի քաղաքագետների միության նախագահ Հմայակ Հովհաննիսյանի փոխանցմամբ` Երեւանի քաղաքապետի ապագա թեկնածության հետ կապված բոլորի շուրթերին մի անուն է` Տարոն Մարգարյան, եւ մոտ ապագայում հենց նա էլ կնշանակվի Երեւանի քաղաքապետ:

«Երեկ նա արդեն իսկ թերթերից մեկին տված հարցազրույցում հայտարարել է, որ ինքը կուսակցության զինվոր է, պատրաստ է կատարել կուսակցության բոլոր հրահանգները, այսինքն` սպասարկել այն կեղեքիչներին, որոնք հանրապետական կուսակցության անունից թալանում են մեր ժողովրդին»,- yerkir.am-ի թղթակցի հետ զրույցում ասել է Հմայակ Հովհաննիսյանը` հավելելով, որ շատ հարգելով Անդրանիկ Մարգարյանին` ափսոսում է, որ Տարոնը ստիպված է լինելու ստանձնել այդ անշնորհակալ գործը: