Ոստիկանապետը զզվում է, որ իր շորերի վրա թուք է թափվում

Պարզվում է` պետական ապարատում կա մեկը, ում կառավարության առջեւ հավաքված ամբոխը չի նյարդայնացնում: Հենց այդ մեկն էլ ոստիկանապետ Ալիկ Սարգսյանին խորհուրդ է տվել այսօր կանխարգելիչ գործողությունների չգնալ եւ ցուցարարներին չխոչընդոտել:

Բայց նախորդ շաբաթ ստացած «դասերն» Ալիկ Սերգեյիչը չի մոռացել ու իրեն խորհուրդ տվողին առաջարկել է անցնել նույն սցենարի միջով: «Արի նույն սցենարը քեզ համար պատրաստեմ, Վարդգես Գասպարիին էլ բերեմ. իրա մոտ թքելը լավ ա ստացվում, թող խոսի, բերնից էլ թուքը թափի վրեդ, շատ նորմալ ա, դու էլ դրան նորմալ վերաբերվի: Բայց ես զզվում եմ, որ իմ շորերի վրա թուք ա թափվում, ես էլ չեմ կարում էդ շորը հագնեմ»,- ասել է ոստիկանապետը:

Լրագրողների հարցին` այդ պաշտոնյան կառավարությունի՞ց է, ոստիկանապետը բացասական պատասխան տվեց: