ԱԳՆ-ի աններելի ձախողումը

Ադրբեջանի` ՄԱԿ-ի Անվտանգության խորհրդի ոչ մշտական անդամ դառնալը Քաղաքագետների միության նախագահ Հմայակ Հովհաննիսյանը «Երկիր»-ի հետ զրույցում որակեց որպես «մեր դիվանագիտության լուրջ բացթողում, արտաքին գործերի նախարարության աններելի ձախողման արդյունք»:

Քաղաքագետը համոզված է, որ Հայաստանն ամեն ինչ պետք է աներ այդ ուղղությամբ եւ հավակներ այդ պաշտոնին, իր հայտով էլ խոչընդոտեր Ադրբեջանի անդամակցությանը: Հովհաննիսյանը համոզված է, որ սխալն իր բացասական հետեւանքները կունենա առաջիկա երկու տարիներին: Այդ տարիները որակելով «վճռորոշ»`  նա նշեց, որ կատարվածի պատասխանատվություն պետք է կրի անձամբ ԱԳ նախարար Էդվարդ Նալբանդյանը:

«Նա պարզապես պարտավոր է այդ պատասխանատվությունը կրել, Նալբանդյանը պետք է հրաժարական տա»,- հայտարարեց Հ. Հովհաննիսյանը: