Սա աններելի է. Գառնիկ Իսագուլյանը` զինված խմբի գործողությունների մասին

Այսօր լրագրողների հետ հանդիպման ժամանակ Ազգային անվտանգություն կուսակցության նախագահ Գառնիկ Իսագուլյանը խստորեն դատապարտեց ՊՊԾ գնդում գտնվող զինված խմբավորման անդամներին, ասելով, որ նրանք չեն համաձայնվում հանձնել այնտեղ գտնվող վիրավորներին ու բուժանձնակազմին: «Այն պահից, երբ նրանք պատանդ վերցրեցին շտապօգնության անձնակազմին, այդ պահից սկսած նրանք ահաբեկիչներ են: Այդ պահից սկսած պետությունը, ուժային կառույցները իրավունք ունեն կիրառելու օրենքով նախատեսված ցանկացած միջոց ` պատանդներին ազատ արձակելու համար»,- ասաց Իսագուլյանը:

Նրա խոսքով` իրենց ապստամբներ համարողները, եթե պետք է թաքնվեն բուժքույրերի հետևում, ուրեմն էլ ի՞նչ որակավորում պետք է տալ նրանց: «Սա աններելի է, ԱՍԱԼԱ-ն չպետք է խառնել այս խնդիրներին, և պետք չէր ստախոս անվանել Արցախի հերոս Վիտալի Բալասանյանին»,- ասաց Իսագուլյանը` քննադատելով Ալեք Ենիգոմշյանի հայտարարությունները: