Բանակի սնունդին կպնելն աններելի է. Անդրանիկ Կարապետյան

Մանվել Գրիգորյանն իմ հարսանիքի քավորն է, բայց մենք մտերմիկ հարաբերություններում երբեք չեն եղել. խորհրդարանում լրագրողներին  ասաց պատգամավոր Անդրանիկ Կարապետյանն՝ անդրադառնալով իր և Մանվել Գրիգորյանի կապերին:

Նա ընդգծեց, որ «բանակի սնունդին կպնելն աններելի է»՝ նշելով, որ եթե քննարկվեր միայն զենք-զինամթերք պահելու հարցը, ինքն այլ կերպ իրեն կպահեր։ «Բանակի սնունդին կպնելն անթույլատրելի է: Ինքն իմ հարսանիքի քավորն է, Արցախի հերոս, և հիմա գնում է նախաքննություն: Եթե ԱԱԾ տարածած տեսանյութը հաստատվի, դա աններելի արարք է»,- ասաց պատգամավորը:

Հարցին՝ արդյո՞ք չգիտեր, որ Գրիգորյանը նման բաներ է թաքցնում, նա պատասխանեց. «Ես որտեղի՞ց պետք է իմանամ, եթե ամառանոցում ընդամենը մեկ անգամ եմ եղել: Մենք մտերիմ շփման մեջ չենք գտնվել: Սա թող չընկալվի, որ նա ընկավ, դրա համար եմ խոսում»: