Ավտոմեքենան գլորվել է գետը

Հոկտեմբերի 25-ին` ժամը 17.08-ին, ԱԻՆ-ում ահազանգ են ստացել, որ Հրազդան-Հանքավան ավտոճանապարհի 5-րդ կմ-ում տեղի է ունեցել ավտոպատահար. «ՈՒԱԶ» մակնիշի ավտոմեքենան ընկել է Մարմարիկ գետը:

Դեպքի վայր է մեկնել մարզային փրկարարական վարչության փրկարարական ջոկատը: Մինչև նրանց` դեպքի վայր հասնելը, տեղի ուժերով ավտոմեքենայից դուրս են բերվել և շտապ օգնության ավտոմեքենայով Հրազդան քաղաքի հիվանդանոց են տեղափոխվել վարորդ, 1990 թվականին ծնված Արսեն Հարությունյանը, ուղևորներ`1983 թվականին ծնված Էդգար Մարկոսյանը, 1983 թվականին ծնված Դավիթ Սողոմոնյանը և 1987 թվականին ծնված Գարիկ Գևորգյանը: Նրանք, առաջին բուժօգնություն ստանալով, դուրս են գրվել:

Փրկարարները ավտոմեքենան դուրս են բերել գետից: