Գրական տապանը գտել է իր հանգրվանը

Հոկտեմբերի 19-28-ը, Արտասահմանյան երկրների հետ մշակութային համագործակցության հայկական ընկերության եւ ՀՀ մշակույթի նախարարության նախաձեռնությամբ, Հայաստանում կանցկացվի «Գրական տապան- 2011. տասը տարի անց» ծրագիրը: Այն կազմակերպվել է ՅՈՒՆԵՍԿՕ-ի կողմից Երեւանը գրքի 2012թ. համաշխարհային մայրաքաղաք հռչակվելու եւ Հայ գրատպության 500-ամյակին ընդառաջ:

«Հայաստանն ամբողջական չէ առանց Եվրոպայի, բայցեւ Եվրոպան ամբողջական չէ առանց Հայաստանի: Մարդկանց հասկանելու ամենալավ տարբերակներից մեկը գրականությունն է»,- ասաց գրող Դավիթ Մուրադյանը:

Ծրագրին մասնակցելու համար Երեւան են ժամանել մի շարք եվրոպացի գրողներ, ովքեր կծանոթանան Հայաստանին, նրա ավանդույթներին ու մշակույթին: