Բրիտանական գահաժառանգության կարգն են փոխում

Մեծ Բրիտանիայի վարչապետ Դեւիդ Քեմերոնը առաջարկում է գահաժառանգության մասին օրենքում փոփոխություններ կատարել:

Ըստ BBC-ի` առաջարկված նախագծով թագաժառանգը պետք է լինի ավագ զավակը: Ներկայումս նախապատվությունը տրվում է որդիներին:

Քեմերոնն առաջարկում է նաեւ վերացնել կաթոլիկի հետ միապետի ամուսնանալու արգելքը, թեեւ միապետին, որպես Անգլիկան եկեղեցու առաջնորդ, կարգելվի դավանել կաթոլիկություն:

Ներկայումս Մեծ Բրիտանիայում գործում է 1701 թ. Գահաժառանգության ակտը: Որպեսզի Քեմերոնի առաջարկած օրենքն ուժի մեջ մտնի անհրաժեշտ է Բրիտանական ազգերի համագործակցության երկրների համաձայնությունը, իսկ այս քննարկումներին Բուկինգհեմյան պալատը որևէ մասնակցություն չի ունենա: