Կհաստատվեն հղիության արհեստական ընդհատման նոր կարգն ու պայմանները

Կառավարության վաղվա նիստի օրակարգում առողջապահության նախարարությունը «չզեկուցվող»  հարցերի շարքում ներառել է որոշում, որով հիմք ընդունելով «Մարդու վերարտադրողական առողջության և վերարտադրողական իրավունքների մասին» օրենքը, հաստատվում է  հղիության արհեստական ընդհատման կարգն ու պայմանները, և ուժը կորցրած է ճանաչվում  կառավարության 2004 թվականի  «Հղիության արհեստական ընդհատման կարգը և պայմանները հաստատելու մասին» որոշումը:

Նախագծի ընդունումը նպատակ ունի հստակեցնել օրենսդրական կարգավորումների միջոցով հղիության արհեստական ընդհատման գործընթացը, կարգն ու պայմանները, բարձրացնել հղիության արհեստական ընդհատումների անվտանգությունը;Նախագծի ընդունմամբ հնարավորություն է ստեղծվում ապահովել հղիության արհեստական ընդհատման հետ կապված հարաբերությունների համապարփակ կարգավորումը:

Հղիության արհեստական ընդհատումը կատարվում է՝

1)  վիրահատական մեթոդով կամ

2) դեղորայքային մեթոդով:

Հղիության արհեստական ընդհատման հակացուցումները լինում են ըստ վիրահատական և դեղորայքային մեթոդների:  Կնոջ մոտ հղիության  արհեստական ընդհատման այլ հակացուցումների առկայության դեպքում հարցը լուծվում է անհատականորեն` կոնսիլիումի  միջոցով, ելնելով կոնկրետ իրավիճակից: