ԱԽ քարտուղա՜ր...

Ազգային անվտանգության խորհրդի քարտուղար Արթուր Բաղդասարյանը Մոսկվայի տանը ՀՀ-ում ՌԴ դեսպանության խորհրդական Սերգեյ Ավերչենկոյին խոստացել է այսուհետ ավելի ուշադիր լինել Հայաստանում Վլադիմիր Պուտինի հանդեպ հանդուրժողական վերաբերմունք ձեւավորելու գործում:

Ըստ «Ա1+»-ի` երեկ դեսպանության խորհրդականը ԱԱԽ քարտուղարին դժգոհել է, թե հայկական մամուլում «թեթեւ հեգնանք է նկատել Պուտինի` նախագահի թեկնածու առաջադրվելու մասին նորության կապակցությամբ»: Ավերչենկոն զգուշացրել է, որ «Պուտինի նախագահ դառնալը կարեւոր է Հայաստանի համար»:

Արթուր Բաղդասարյանը նշել է, որ պետությունը չի վերահսկում տպագիր մամուլը, սակայն «հաշվի առնելով Ձեր ցանկությունները, կտեսնենք, թե հավելյալ ինչ կարելի է անել, որպեսզի մամուլն առավել էֆեկտիվ ներկայացնի դա»: