Սողանքի գոտում աշխատում է 126 փրկարար

Տավուշի մարզում տեղի ունեցած սողանքի գոտում որոնողական աշխատանքներում ներգրավված է ՀՀ ԱԻՆ 126 փրկարար, մասնավորապես՝ Տավուշի մարզից՝ 15, Լոռու մարզից՝ 40, Գեղարքունիքից՝ 30, Արագածոտնից՝ 32, Երևանից՝ 2 փրկարար:

Որոնողական աշխատանքներին մասնակցում են նաև Այրումի կայարանի անձնակազմից 14, իսկ Սանահինից՝ 13 հոգի, Հրազդան ՋԷԿ-ից 15 աշխատակից, Ախթալայի լեռնափրկարարական ջոկատից 5 լեռնափրկարար և 16 ոստիկան:

Ինչպես տեղեկացնում են ԱԻՆ լրատվական ծառայությունից` ինժեներական տեխնիկայից սողանքի գոտում աշխատում են 1 կռունկ, 1 էքսկավատոր, 1 քարշակ, 5 վագոն և 3 բուլդոզեր:

Տեղում հերթապահում է 3 բժիշկ և ճանապարհային ոստիկանության 2 մեքենա:

Հիշեցնենք, որ երեկ առավոտյան փրկարարները 20 մետր խորությամբ հողաշերտի տակից հայտնաբերված, խիստ վնասված ավտոմեքենայից դուրս են բերել անհայտ կորածների ցուցակում նշվող Սորսումատյան եղբայրների դիերը: Մյուս երեք անհետ կորածների ճանատագիրը դեռեւս անհայտ է: