Սողանքի վայրում որոնողական աշխատանքները շարունակվում են

Տավուշի մարզում Վանաձոր-Բագրատաշեն ճանապարհի վրա տեղի ունեցած խոշոր սողանքի հետեւանքով անհայտ կորածները ներկայումս 5 հոգի են:

Armenia Today-ի տվյալներով` որոնողական աշխատանքները շարունակվում են: Սակայն անընդհատ տեղացող անձրեւն ու ակտիվ սողանքը դժվարացնում են փրկարարների աշխատանքը եւ թույլ չեն տալիս գործի դնել մեխանիզմները: Դեպքի վայրում որոնողական աշխատանքներն իրականացվում են ձեռքի գործիքներով:

Սողանքի հետեւանքով 130 մետր երկարությամբ եւ 60 մետր բարձրությամբ հողազանգվածը թափվել էր ճանապարհին եւ անանցանելի դարձրել այն: Ականատեսների խոսքերով` այն տեղի էր ունեցել, երբ Վրաստանից Հայաստան եկող բեռնատար մեքենան վթարի էր ենթարկվել, որի պատճառով էլ ճանապարհին մեքենաներ էին կուտակվել: