Նոր լեռնադահուկային հանգստավայր` Ջավախքում

Ջավախքում մեկնարկել են նոր լեռնադահուկային հանգստավայրի կառուցման աշխատանքները: Խաղադաշտի երկարությունը կազմելու է 280 մետր: Նույն տարածքում նախատեսվում է կառուցել լեռնադահուկային դպրոց, զբոսաշրջիկների համար ճամբար եւ հյուրանոց: Արդեն ավարտվել է լողավազանի շինարարությունը. տեղեկացնում է akhaltskha.net լրատվական կայքը:

Այդ ամենին զուգընթաց իրականացվում են շրջանի ենթակառուցվածքների թարմացման աշխատանքներ:

Ծրագիրը ֆինանսավորվում է Վրաստանի նախագահի հիմնադրամի կողմից եւ նպատակ ունի զարգացնել տարածաշրջանում սպորտային զբոսաշրջությունը, ինչն էլ, կազմակերպիչների համոզմամբ, կօգնի բարելավել տարածաշրջանի տնտեսական վիճակը: