Մեկնարկում է լեռնադահուկային սպորտի Հայաստանի առաջնությունը

Ծաղկաձորում մեկնարկում է լեռանադահուկային սպորտի Հայաստանի մեծահասակների առաջնությունը:

Փետրվարի 15-18-ը կայանալիք առաջնությանը կմասնակցեն 50 մարզիկ Հայաստանի բոլոր տարածաշրջաններից: Առաջնությունն անցկացվելու է Ծաղկաձորի լեռադահուկային կենտրոնում:

«Սա մեզ համար հիմք կլինի գնահատելու մարզիչների աշխատանքը և այդ կերպ կփորձենք ձևավորվել հավաքականները հաջորդ մրցաշրջանի համար»,-ՀԱՕԿ լրատվականի հետ զրույցում ասել է Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանը:

Միաժամանակ անցկացվում է նաև լեռնադահուկային սպորտի վաստակավոր մարզիչ, Հայաստանի դահուկային սպորտի հիմնադիր և ֆեդերացիայի երկարամյա փոխնախագահ Լևիկ Հարությունյանի անվան հուշամրցաշարը: