Անկարան դժգոհ է Ֆրանսիայի նախագահի թեկնածուից

Ֆրանսիայում Թուրքիայի դեսպան Թահսին Բուրջուօղլուն Ֆրանսիայի Սոցիալիստական կուսակցության ներկայացուցիչ, նախագահի թեկնածու Ֆրանսուա Հոլանդին նամակ է գրել, որում հայտնել է պաշտոնական Անկարայի դժգոհությունը Հայոց ցեղասպանության հարցում նրա դիրքորոշման կապակցությամբ. տեղեկացնում է Anadolu գործակալությունը:

Դեսպանը նամակում զգուշացրել է Հոլանդին, որ Ֆրանսիայի Սենատում Հայոց ցեղասպանության փաստի ժխտումը քրեականացնող օրինագծի վավերացումը լուրջ վնասներ կպատճառի թուրք-ֆրանսական հարաբերություններին:

Ֆրանսուա Հոլանդը, որն իր թեկնածությունն է առաջադրել 2012-ին կայանալիք նախագահական ընտրություններին, հայտարարել էր, որ Հայոց ցեղասպանության փաստի ժխտումը քրեականացնող օրինագիծը դարձյալ օրակարգ վերադարձնելու նպատակով  դիմելու է Սենատին, ուր սոցիալիստները վերջերս բացարձակ մեծամասնություն կազմեցին: