Շեւարդնաձեն Սահակաշվիլիից շքանշան է ակնկալում

Վրաստանի նախկին նախագահ Էդուարդ Շեւարդնաձեն ներկայիս նախագահից շքանշան ստանալու հույս ունի, քանի որ իբր հավասարակշռված քաղաքականություն է վարել ինչպես Եվրոպայի, այնպես էլ Ռուսաստանի հետ:

«Դրոնի» պարբերականին տված հարցազրույցում նա բացատրել է, թե ինչ է նշանակում «հավասարակշռված», այսինքն` ոչ մի հարեւանի հանդեպ թշնամական տրամադրված չլինել:

«Իմ ժամանակ իսկապես հավասարակշռված քաղաքականություն էր տարվում: Եթե ես Սահակաշվիլիի տեղը լինեի, նման մարդուն շքանշանով կպարգեւատրեի»,- հայտարարել է Շեւարդնաձեն:

Լրագրողի հարցին, թե, արդյո՞ք, Սահակաշվիլին պարտավոր է նրան շքանշան շնորհել, նախկին նախագահը պատասխանել է. «Թող ջանք գործադրի... Ես այստեղ եմ»: