Սերժ Սարգսյանը Միխեիլ Սահակաշվիլիից չի վիրավորվել. Վրաստանի ԱԳՆ

Վրաստանի արտգործնախարարությունը կտրականապես հերքել է այն տեղեկատվությունը, թե Հայաստանի նախագահը վիրավորված է Վրաստանի նախագահից, այդ պատճառով էլ հետաձգել է այցը Թբիլիսի. տեղեկացնում է apsny.ge-ն:

«Ցանկանում են ձեզ վստահեցնել, որ այդ տեղեկությունն իրականությանը չի համապատասխանում»,- այսօր հայտարարել է Վրաստանի փոխարտգործնախարար Նինո Կալանդաձեն: Նրա խոսքերով` Հայաստանի նախագահը այցը չի հետաձգվել, պարզապես դրա վերջնական ամսաթիվը հայտնի չէ, եւ այս փուլում այդ հարցով աշխատանք է իրականացվում:

Ավելի վաղ Վրաստանի ԱԳՆ-ն հայտարարել էր, որ նոյեմբերի սկզբին Հայաստանի նախագահ Սերժ Սարգսյանն այցելելու է Թբիլիսի, սակայն պաշտոնական Երեւանը հերքել էր այդ տեղեկությունը` նշելով, որ նման այց ծրագրված չէ: Վրացական ԶԼՄ-ներում տեղեկություններ հայտնվեցին, թե Սերժ Սարգսյանը դժգոհ է իր վրացի գործընկերոջ` Տավուշի սողանքում իրականացվող աշխատանքների վերաբերյալ արված արտահայտությունից: