Տեր-Պետրոսյանն ու Քոչարյանը տոնական միջոցառումներին չեն մասնակցի

Հայաստանի Հանրապետության անկախության 20-ամյակի տոնակատարության պաշտոնական միջոցառումներին Հայաստանի առաջին եւ երկրորդ նախագահներ Լևոն Տեր-Պետրոսյանն ու Ռոբերտ Քոչարյանը չեն մասնակցելու։

Yerkir.am-ի հարցին, թե ի՞նչն է պատճառը, ՀՀ առաջին նախագահի մամուլի քարտուղար Արման Մուսինյանը պատասխանեց. «Ուղղակի չի մասնակցելու, եւ ոչ մի մեկնաբանություն չկա անելու»:

Իսկ Ռոբերտ Քոչարյանի մամուլի խոսնակ Վիկտոր Սողոմոնյանը yerkir.am-ին հայտնեց. «ՀՀ երկրորդ նախագահ Ռոբերտ Քոչարյանը չի մասնակցի, քանի որ հանրապետությունում չէ»:

Նշենք, որ Հայաստանի նախագահ Սերժ Սարգսյանը պաշտոնապես հրավերներ էր ուղարկել ե'ւ Լեւոն Տեր-Պետրոսյանին, ե'ւ Ռոբերտ Քոչարյանին: