Խոշոր պայթյուն Քենիայում. կան զոհեր

Քենիայի մայրաքաղաքում հուժկու պայթյուն է որոտացել, ինչի հետեւանքով մոտ 120 բնակիչ կենդանի այրվել է: Թաղամասը, որտեղ տեղի է ունեցել ողբերգությունը, գտնվում է Քենիայի մայրաքաղաք Նայրոբիի արվարձաններից մեկում:

Ըստ նախնական վարկածի` տարածքով անցնող բենզինի խողովակից արտահոսք է սկսվել, ինչը տեսնելով, թաղամասի բնակիչները փորձել են դույլերով հավաքել արտահոսող վառելիքը: Հենց այդ ընթացքում էլ տեղի է ունեցել պայթյունը, որի հետեւանքով առաջացած հրդեհն էլ մարդկանց մահվան պատճառ է դարձել:

Ինչպես տեղեկացնում է CNN-ը, նման միջադեպերը Քենիայում հազվադեպ չեն. բենզինի խողովակի նմանատիպ վերջին պայթյունը տեղի էր ունեցել 2009 թվականին, որի հետեւանքով 122 քաղաքացի էր զոհվել: