Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Անկարայի արդյունաբերական շրջանում գտնվող գործարաններից մեկում հզոր պայթյուն է որոտացել, ինչի հետեւանքով 4 հարկանի շինության երկու հարկերը փլուզվել են: Գործարանում դեպքի պահին մոտ 60 հոգի է գտնվել:
Անկարայի քաղաքապետ Մելիհ Գոկչեքը տեղեկացրել է, որ պայթյունի հետեւանքով 3 մարդ է զոհվել, վիրավորվել են` 30-ը, եւս 5-ը այս պահին փլատակների տակ են:
Ըստ նախնական վարկածի` պայթյունն առաջացել է գազի արտահոսքի հետեւանքով:
Ականատեսների վկայությամբ` պայթյունից անմիջապես հետո հրդեհ է բռնկվել: 4-5 վիրավորի հանել են մինչ փրկարարների ժամանումը:
Անկարայի քաղաքապետարանից տեղեկացնում են, որ տարածքում աշխատում են 25 հրշեջ եւ 15 շտապ օգնության մեքենաներ: