Երկխոսության հաջողությունը գնահատում է 10 տոկոս

Նա հիշեցրեց, որ նախկինում ինքը հաջողության հավանականությունը 20 տոկոս էր գնահատել`  80 տոկոսով կանխատեսելով երկխոսության ձախողումը:

Անհաջողության պատճառը, ըստ Արման Մելիքյանի,  երկխոսության օրակարգն էր, որում բացառապես արտահերթ ընտրությունների հարցն էր ընդգրկված: «Որքան էլ այդ հարցը կարեւոր լինի, այնուամենայնիվ, շատ հեռու է մեր իրական ներքաղաքական օրակարգը սպառելու ունակությունից: Իրականում ընտրությունների պետք է գնալ այն ժամանակ, երբ ներքին հակասությունների վերաբերյալ խնդիրների լուծումը գտնված կլինի»,- ասաց նա:

Արման Մելիքյանը նշեց, որ մինչեւ չլուծվեն այդ խնդիրները, ցանկացած նման երկխոսություն կեղծ եւ անպտուղ է լինելու: