ՀԱԿ-ի ախորժակը մեծացել է

ՀԱԿ-ի գլխավոր պայքարը լինելու է բոլոր այն ուժերի դեմ, որոնք մինչեւ օրս կեղեքել են հայ ժողովրդին. այսօր հրավիրված մամուլի ասուլիսում հայտարարեց ՀԱԿ անդամ Գուրգեն Եղիազարյանը:

Նա նշեց, որ «եթե ընտրությունները չնկարեն, եթե վստահված անձանց ընտրատեղամասերից չառեւանգեն, ժողովրդից գողացած ալյուրը նորից նրանց չբաժանեն, եթե 56 հազար մեռած հոգիները ընտրության չգան, եթե հայրենիքը լքած 500 հազար քաղաքացիներին հանեն ընտրացուցակներից», ապա արտահերթ ընտրությունների պայմաններում ՀԱԿ-ը խորհրդարանում 80-90 տեղ կունենա:

Բանավեճին մասնակից ՀՀԿ-ական պատգամավոր Լեռնիկ Ալեքսանյանն էլ նկատեց, որ ՀԱԿ-ը պետք է պայքարի ոչ թե ԲՀԿ-ի կամ ՀՀԿ-ի տեղերի, այլ իր ընտրազանգվածի դժգոհ հատվածի վստահությունը վերադարձնելու համար: