ՅՈՒՆԵՍԿՕ-ի հատուկ մրցանակը "ժամանեց" Հայաստան

Օգոստոսի 25-30-ը Ուզբեկստանի Սամարկանդ քաղաքում անցկացվող միջազգային երաժշտական փառատոնին Հայաստանը ներկայացրած կրտսեր Ջիվան Գասպարյանը արժանցել է ՅՈՒՆԵՍԿՕ-ի հատուկ մրցանակին:

«Այս մրցույթին ես մասնակցեցի պապիկիս օգնականի միջոցով, եւ ՅՈՒՆԵՍԿՕ-ի կողմից արժանացա հատուկ մրցանակի: Այդ մրցանակից ստացան նաև Ադրբեջանի և Ուզբեկստանի մասնակիցները»,- ասաց դուդուկահարը` հավելելով, որ մրցույթին մասնակցում էր 52 երկիր: Իսկ առաջին տեղը զբաղեցրել է Չինաստանը:

Ջիվանը նշեց նաև, որ բեմում իրենց դրսևորելու 15 րոպե ունեին, որի ընթացքում ինքը ներկայացրել է երեք երգ` «Աշխարհումս ախ չիմ քաշի», «Հովեր ելան», «Իմ բալիկիս»:

«Այսպիսի մրցույթներին մասնակցելով` հնարավորություն ենք ունենում մեր երկիրը մաքուր երգերով ներկայացնել աշխարհին»,- ասաց  նա: