Գուժ Թադևոսյանի «Եվ կրկեսը ժամանեց…» ֆիլմն արժանացել է հատուկ մրցանակի

Ապրիլի 13-17-ը Ռուսաստանի Սամարա քաղաքում կայացավ «Կինո՝ երեխաների համար» 21-րդ միջազգային կինոփառատոնը, որի մրցութային ծրագրում ներկայացված էր շուրջ 20 երկրի ավելի քան 100 ֆիլմ:  Հայաստանից փառատոնին մասնակցում էր ռեժիսոր Գուժ Թադևոսյանն իր «Եվ կրկեսը ժամանեց…» կարճամետրաժ խաղարկային կինոնկարով:

Կինոփառատոնում երիտասարդ ռեժիսորի ֆիլմն արժանացել է հատուկ մրցանակի «Լավագույն խաղարակային ֆիլմ-դեբյուտ» անվանակարգում:

«Եվ կրկեսը ժամանեց…» ֆիլմի երկու ցուցադրություններն էլ անցել են լեփ-լեցուն դահլիճներում` արժանանալով հանդիսատեսի և ժյուրիի դրվատանքին ու ջերմ ընդունելությանը:

Ի դեպ, ֆիլմը մասնակցել է միջազգային հեղինակավոր կինոփառատոների՝ արժանանալով 10-ից ավելի մրցանակների: