British Petrolium-ը կաթվածահար են արել դատական կատարածուները

British Petrolium (BP) ընկերության մոսկովյան գրասենյակի շենքում դատական կատարածուներ են աշխատում: Ընկերությունն ռուսաստանյան գրասենյակի ղեկավար Ջերեմի Հակը նշել է, որ այս քայլը իրենց բիզնեսի վրա միտումնավոր կերպով արվող ճնշում է. հաղորդում է «Ինտերֆաքսը»:

«Մեր կարծիքով` դատարանի որոշումը, ինչի հիման վրա դատական կատարածուները մեր գրասենյակում են գտնվում, օրինական հիմք չունի: Գրասենյակի աշխատանքը կաթվածահար է եղել: Մենք այս գործողությունները դիտարկում ենք որպես ճնշում Ռուսաստանում աշխատող British Petrolium-ի վրա»,- ասել է Ջ. Հակը:

Նշենք, որ կատարածուների գործողությունները պայմանավորված են Տյումենի Միջնորդական դատարանի որոշումով: Հուլիսի վերջին դատարանը պարտավորեցրել էր ТНК-BP-ին եւ BP-ին մինորիտար բաժնետերերին երկու շաբաթվա ընթացքում տրամադրել փաստաթղթեր BP-ի եւ Роснефть-ի գործարքի մասին։ Սակայն BP-ն հրաժարվել է փաստաթղթեր տրամադրել եւ բողոքարկել է դատարանի որոշումը։