Բրիտանական նավթային հսկա British Petrolum-ը ներդրումներ է կատարել Արցախից զավթված տարածքներում

Բրիտանական BP ընկերությունը մտադիր է արևային էլեկտրակայան կառուցել Արցախում. ասվում է Ադրբեջանի էներգետիկայի նախարարության հայտարարության մեջ:

Էներգետիկայի նախարարությունը և BP-ն հինգշաբթի ստորագրել են Կովսական-Ջրական գոտում 240 ՄՎտ հզորությամբ արևային էլեկտրակայանի կառուցման նախագծի գնահատման և իրականացման  համագործակցության համաձայնագիր:

Ըստ նախարարության՝ համագործակցությունը ներառում է արևային էներգիայի նախագծի տեխնիկական և առևտրային գնահատում, կայանի նախագծում, ֆինանսավորման ապահովում և ներդրումների վերջնական որոշման կայացում:

 «Փաստաթուղթը, որը մենք այսօր ստորագրել ենք ածխաջրածնային հատվածի մեր երկարաժամկետ ռազմավարական գործընկերոջ՝ BP-ի հետ, բացելու է համագործակցության նոր էջ կանաչ էներգիայի և ածխաջրածնային ոլորտում: Հուսով եմ, որ մեր ակտիվ համագործակցությունը BP-ի հետ 240 ՄՎտ տեղադրված հզորությամբ արևային էներգիայի նախագծի շուրջ արտաքին ներդրումներ կներգրավի Ղարաբաղում», - ասել է Ադրբեջանի էներգետիկայի նախարար Փարվիզ Շահբազովը:

Նշենք, որ BP-ն ադրբեջանական նավթի խոշոր արդյունահանողներից է։