Ջրաշխարհի մոտակայքում երթուղայիններ են բախվել

Երեկ երեկոյան Երևանի Մյասնիկյանի պողոտայում` Ջրաշխարհի մոտակայքում, տեղի է ունեցել ավտոպատահար

Դեռևս չբացահայտված հանգամանքներում բախվել են «Ֆոլքսվագեն ԼՏ 35» մակնիշի ավտոմեքենան եւ թիվ 91 ու թիվ 82 երթուղայինները:

Ինչպես տեղեկացնում է ԱԻՆ «Արտակարգ ալիք» լրատվականը, մինչ հրշեջ-փրկարարների` դեպքի վայր հասնելը թիվ 82 երթուղու` մարմնական վնասվածքներ ստացած  ուղևորներ` 1952 թվականին ծնված Ռիմա Գրիգորյանը,1993 թվականին ծնված Անժելա Ազարյանը, 1957 թվականին ծնված Նաիրա Ավետյանը տեղափոխվել են «Գրիգոր Լուսավորիչ» բժշկական կենտրոն, իսկ1966 թվականին ծնված Աշոտ Մանասարյանը տեղում ստացել է առաջին բուժօգնություն և հոսպիտալացումից հրաժարվել է:

Ա.Ազատյանը և Ն.Ավետյանը ստանալով առաջին բուժօգնություն դուրս են գրվել հիվանդանոցից, իսկ Ռ.Գրիգորյանը հոսպիտալացվել է, նրա առողջական վիճակը բավարար է: