Լիբիացի ապստամբների ղեկավարությունը հաստատվել է Տրիպոլիում

Այս գիշեր Լիբիայի Անցումային ազգային խորհուրդը հայտարարել է Տրիպոլի տեղափոխվելու մասին. տեղեկացնում է Reuters-ը:

Լիբիայի հարցով կոնտակտային խումբը, որում ընդգրկված են 28 երկիր եւ միջազգային կազմակերպություններ, Ստամբուլում երեկ տեղի ունեցած հանդիպման ժամանակ խոստացել է ֆինանսական օգնություն ցուցաբերել Լիբիայի նոր իշխանություններին: Մասնավորապես` ԱՄՆ-ը ապասառեցնում է 1,5 մլրդ դոլարի ակտիվներ, որոնք փակվել էին Կադաֆիի վարչակարգի դեմ պատժամիջոցներ կիրառելու ընթացքում:

ԱՄՆ պետդեպարտամենտը նաեւ հանդես է եկել հայտարարությամբ, ըստ որի` Կադաֆիի վարչակարգի ուրանային ու քիմիական հումքը վերահսկողության տակ է եւ արտահոսքի վտանգ չկա: