Տրիպոլիում բախումների ժամանակ 25 մարդ է զոհվել

Լիբիայի հարավում բախումների ժամանակ  սպանվել է ավելի քան 25 մարդ, 80 մարդ վիրավոր է: Այդ մասին, ըստ Газета.ру-ի, հայտնում է Reuters-ը` Տրիպոլիի առողջապահության նախարարության ներկայացուցչին հղումով: Հայտնի չէ` նրանք խաղաղ բնակիչներ են, թե` գրոհայիններ:

Նշենք, որ Լիբիայի ազգային բանակը, մարշալ Խալիֆա Հաֆթարի գլխավորությամբ, փորձում է գրավել մայրաքաղաք Տրիպոլին:

Հակամարտությունն ունի 8 տարվա պատմություն: Երկրում երկիշխանություն է՝ արևելքում իշխում է ընտրված խորհրդարանը, իսկ Տրիպոլիում, այսինքն՝ արևմուտքում՝ ՄԱԿ-ի և ԵՄ-ի աջակցությամբ կազմավորված կառավարությունը: Արևելյան հատվածի իշխանությունները գործում են Տրիպոլիից անկախ և համագործակցում են Լիբիական ազգային բանակի հետ: