Քադաֆին Տրիպոլիում է` անվտանգ վայրում

Լիբիայի առաջնորդ Մուամար Քադաֆին գտնվում է Տրիպոլիում` անվտանգ վայրում. պնդում է նրա որդին Սեիֆ ալ Իսլամը:

Ինչպես տեղեկացնում է «Ազատություն» ռադիոկայանի ռուսական ծառայությունը, երեկ գիշեր արեւմտյան ԶԼՄ-ները հաղորդել են, որ Սեիֆ ալ Իսլամը, որի ձերբակալության մասին կիրակի օրը հայտարարել էին ապստամբները, հայտնվել է լրագրողների առջեւ Տրիպոլիում` հայտարարելով, որ իրականում ինքն ազատության մեջ է: Նա ասել է, որ, Լիբիայի մայրաքաղաք մտնելով, ապստամբներն ընկել են ծուղակը եւ պարտվելու են:

Ներկայումս ե'ւ ապստամբները, ե'ւ կառավարական ուժերը հայտարարում են, որ վերահսկում են Տրիպոլիի մեծ մասը:

Ի դեպ, տեղեկություններ կան, որ տնային կալանքից փախել է Քադաֆիի մյուս որդին` Մուհամեդը: