ԺՈՂՈՎՈՒՐԴ. Օրհնված կոլխոզներ

Հայաստանի իշխանությունները որևէ նոր մեթոդ չեն գտել գյուղացիներին օգնելու համար և անցել են կոմունիստական ժամանակների կոլխոզներին:

ՀՀ գյուղատնտեսության նախարար Սերգո Կարապետյանը երեկ Շիրակի մարզի Այգաբաց դյուղի բնակիչներին խնդրել է դառնալ կոոպերատիվի անդամ:

«Կոոպերատիվը կոլխոզ չէ, այստեղ առաջնային է կամավորության սկզբունքը, գյուղացին պահպանում է իր սեփականությունը: Ասենք` ես 2 կով ունեմ, մտնում եմ կոոպերատիվ, իմ անասունները շարունակում են պատկանել ինձ… Ճիշտ ա, կարող ա քննադատեք, ասեք`  տարիներ շարունակ դանդաղ ա շարժվել, էդքան մեծ ուշադրություն չի դարձվել գյուղատնտեսությանը, բայց արդեն դարձվում ա, չէ՞: Արդեն դեմքով շուռ ենք եկել գյուղացուն,  ավելի շատ ենք ուզում գյուղացուն օգնել, գյուղացու կողքին ենք ուզում կանգնել: Ասում են, չէ` ավելի լավ է ուշ, քան երբեք: Հիմա անում ենք, էլ ի՞նչ եք ուզում այս երկրից: Մի խոսքով, բերեք լավ տրամադրվենք»,- ասել է ՕԵԿ անդամ գյուղնախարարը` ավետելով, որ, կոոպերատիվի անդամ դառնալով, մարդիկ կստանան գյուղտեխնիկա, սերմանցու և այլն: