Տիմոշենկոն գունատ է եւ հյուծված

Ուկրաինայի նախկին վարչապետ Յուլյա Տիմոշենկոն դիմել է Կիեւի Պեչյորսկյան դատարանին` խնդրելով իր գործը քննել ոչ ամեն օր, քանի որ ամենօրյա լսումներն իր իրավունքների ոտնահարում են` պաշտպանվելու համար բավարար ժամանակ է պետք:

Ինչպես գրում է «Ինտերֆաքսը», այսօր Տիմոշենկոն եղել է գունատ եւ հոգնած. նրան դատարան են բերել առավոտյան ժամը 7-ին:

Նրա փաստաբանը դատավոր Ռոդիոն Կիրեեւին ասել է, որ ինքը փաստացիորեն չի կարողանում հանդիպել Տիմոշենկոյի հետ այն բանից հետո, ինչ նրան կալանքի տակ են վերցրել: Կնոջը ձերբակալելը փաստաբանը խոշտանգում է համարել:

Նախորդ օրը դատավորը վեց անգամ մերժել է երաշխավորությամբ Տիմոշենկոյին կալանավայրից ազատելու միջնորդությունը: