Տիմոշենկոն նոր հեղափոխություն է կանխատեսում

Ուկրաինայում նոր հեղափոխության իրականացումը ժամանակի հարց է. բրիտնական The Independent-ին տված հարցազրույցում ասել է բանտարկության մեջ գտնվող` երկրի նախկին վարչապետ Յուլիա Տիմոշենկոն:

«Պատմությունը ցույց է տվել, որ ավտորիտար վարչակարգերը երկար կյանք չունեն, եւ ես հավատում եմ, որ Նարնջագույն հեղափոխության իդեալները նույնքան արդիական են այսօր, որքան 2004-ի դեկտեմբերին»,- ասել է նա:

Հիշեցնենք, որ Տիմոշենկոն ձերբակալվել է օգոստոսի 5-ին «գազի գործով» դատավարության ժամանակ: Ուկրաինայի գլխավոր դատախազության տվյալներով` նա չարաշահել է պաշտոնեական լիազորությունները 2009-ին Ռուսաստանի հետ գազի մատակարարման վերաբերյալ պայմանագրեր կնքելիս եւ պետության հասցրել է ավելի քան 1,5 մլրդ գրիվենի վնաս: